Kabanata 52

Iniyuko ko ang aking ulo, iniwasan ko ang tingin ni Logan. Pagkatapos, bigla siyang nagtanong, “Nagpunta ba dito sila Ruby at Norman kanina?” Nabigla ako sa tanong niya. Hindi ko inasahan na magtatanong siya tungkol dito. Tumango ako. “May sinabi ba silang nakakasakit?" Umiling ako. “Talaga?" Muli siyang nagtanong. Muli akong umiling. Tinitigan ako ni Logan ng matagal bago niya sinabi na, “Umakyat ka na at magpahinga." Tumingin ako sa kanya, hindi ko masabi ang mga salitang buong maghapon kong pinaghandaan. Noong tumalikod siya at napansin na hindi pa ako umaakyat sa taas, nagtanong siya, "Anong problema? Masama ba ang pakiramdam mo? O may gusto ka bang sabihin sa’kin?” Agad akong umiling. “Hindi, wala." Pagkatapos nun, nagmadali akong umakyat sa taas. Sa likod ko, biglang sinabi ni Logan na, "Huwag mong pakinggan ang sinabi ni Ruby. At si Norman naman, huwag mo na lang siyang intindihin.” Tumango ako ng wala sa sarili. "Aasikasuhin ko ang paglipat mo sa ibang lugar k