Kabanata 687

Lahat ng sinabi ng lalaki ay naka depensa kay Hao Yimeng. Para siyang taga-hanga ni Hao Yimeng sa kilos at salita niya. Sumimangot nang kaunti si Ling Yiran, kinuha ang ilang librong pinili niya, at pumunta sa kahera para bayaran na ang mga 'to. Balak niya sanang hanapin si Qin Lianyi pagkabayad niya. Pero, hindi tumigil ang lalaki at tinuloy ang pagsunod kay Ling Yiran. Tinuloy niya lang din ang pagsasalita niya dahil gusto niyang sabihin ni Ling Yiran sa online na pinapatawad niya na talaga si Hao Yimeng, nilabas pa nga niya ang cellphone para kuhanan ng video si Yiran. Lalong nainis si Ling Yiran. "Wala kang karapatan na kuhanan ako ng video nang di ako pumapayag!" "Nagui-guilty ka 'no? Kinukuhanan lang kita ng video gamit ang phone ko. Ano naman 'yun sayo? Hindi ka pa nga sumasagot sa publiko tungkol sa apology ni Hao Yimeng. May tinatago ka siguro, ‘no? Posible bang gustuhin mo ulit na makipagbalikan kay Xiao Ziqi?" Binomba niya ng tanong si Yiran para makakuha siya ng chismi