Kabanata 670

"Nagpasama lang sa'kin dito yung kaibigan ko. Kung gusto mong mamili ng mga damit, pwede kang humingi na lang ng tulong doon sa isang saleslady," sabi ni Ling Yiran. Parang napahiya si Hua Lifang at humanap na lang ito ng saleslady para tulungan siyang mamili ng damit. Lumapit si Gu Lichen sa gilid ni Ling Yiran at sinabi, "Wag ka masyadong malungkot sa pagkawala ng lola mo. Lahat naman ng tao pinapanganak, nagkakasakit, at namamatay din. Meron lang talagang taong mauunang umalis dito sa mundo." Tinignan siya ni Ling Yiran. 'Pinapagaan... Niya ba ang loob ko?' Ang makisig niyang katawan ay nakasuot ng isang dark graphite gray suit. Ang gwapo nitong mukha ay parang suplado ang dating. Ang crown prince ng entertainment industry ay kilala sa pagiging suplado at ugali nitong papalit-palit ng girlfriend dahil pagkatapos ng isa ay meron agad itong kapalit. Walang may alam kung sino ang kasunod na girlfriend nito. 'Si Sis Lifang kaya ang sunod?' Biglang itong naisip ni Ling Yiran. Sa ba