Kabanata 668

"Wala 'yun. Kung 'yun ang gusto mo, syempre, gagawin ko para sa'yo," sagot ni Gu Lichen. "Ang bait mo naman sa'kin, Chenchen," sabi Hua Lifang. Ang salitang 'Chenchen' ay parang nagpakirot sa puso niya. Nung sinabi niya ang salitang 'yun, para bang nairita siya nang marinig niya ito. "Tawagin mo 'kong Lichen simula ngayon. Pang-batang pangalan ko lang ang Chenchen," sabi ni Gu Lichen. "Okay, sige," sagot ni Hua Lifang. Si Ling Yiran ang nagsabi sa kanya ng pangalang Chenchen. Nung bata pa si Ling Yiran, umuwi siya nang marumi ang damit niya at punit punit at sinabi nitong may tao daw siyang niligtas. Walang naniwala sa pamilya niya at ang akala nilang lahat ay nagsisinungaling lang siya para pagtakpan ang kakulitan niya. At dahil dito, pinagalitan at pinarusahan siya. Pero, si Hua Lifang ay sobrang matanong nung bata, pinuntahan at tinanong niya si Ling Yiran kung anong ginawa niya at saan siya galing. Kaya alam niya kung paano niligtas ni Ling Yiran ang batang lalaking may panga