Kabanata 660

Napakagat ng labi si Hua Lifang. "Kung hindi ba kita niligtas, hindi ka magiging mabait sa'kin?" Ang gusto lang naman niya ay sagutin siya ng hindi, pero parang biglang nag-iba ang tingin nito sa kanya galing sa mala-phoenix niyang mata. Kalmado lang ang tingin ng lalaking ito sa kanya na parang nakatingin sa hindi niya kakilala. Para bang may kirot na naramdaman si Hua Lifang at gustong niyang bawiin ang sinabi niya. "Gusto... Gusto ko lang naman na maging mabait ka sa'kin hindi lang dahil niligtas kita, kundi dahil... Dahil sa iba pang rason..." nanginginig itong nagsalita. "Sige na, wag ka na masyado mag-isip. Gumagabi na masyado, kaya kailangan mo nang magpahinga nang maaga," sabi ni Gu Lichen. Habang nagsasalita siya, binuksan niya ang pinto at bago siya pumasok ng kotse nagsalita bigla si Hua Lifang sa likod niya at sinabi, "Ingat ka pauwi, Chenchen!" Nagulat si Gu Lichen nang marinig niya ang salitang 'Chenchen'. Pumasok bigla sa isip niya yung araw na merong isang batang b