Kabanata 658

Natulala si Ling Yiran kay Yi Jinli. Ilang saglit lang, sinabi nito, "Kung ganon, siguro masyado na akong maraming pinagdaanan... Para lang makilala ka at mahulog din ako sa'yo. Siguro kung hindi ko naranasan ang mga ‘to, baka hindi tayo magkakilala at maging ganito ngayon." Kung hindi siguro siya nakulong, baka kinasal na siya kay Xiao Zigi at nanatiling abugado. Pero, baka hindi niya pa rin makasundo ang Xiao family pagkatapos nilang ikasal. Syempre, posible din na hindi niya pinakasalan si Xiao Zigi dahil sa pagkontra ng mga magulang nito. Baka hindi niya din makilala si Yi Jinli nung gabing gusto siyang ipakasal ng mga tito niya at hindi niya rin ito madadala sa bahay nila. Siguro hindi talaga sila magtatagpo ng landas na parang dalawang tuwid na linyang hindi magkakonekta. Para bang kinilig at natuwa si Yi Jinli sa sinabi nito. Dahan-dahan niyang niyakap si Ling Yiran, sinubsob ang mukha niya sa leeg nito, at inamoy ang katawan nito. "Oo, baka nga... naranasan mo 'yun lahat