Kabanata 620

Dapat ay hinawakan niya ito ng mabuti simula sa una pa lang! “Heh, bakit ka umiinom mag-isa?” biglang narinig ni Gu Lichen ang boses ni Ye Chongwei. “Madalang kang pumunta dito. Hindi ba nakakasawa uminom mag-isa?” ‘Nakakasawa?’ Inikot ni Gu Lichen ang baso sa kanyang kamay at tumingin sa mga tao sa paligid niya. Ang tanging rason kaya pumayag siyang pumunta sa party ni Ye Chongwei ay dahil sobrang stress siya nitong mga dumating na araw, gusto niya makahinga ng maluwag. Ngunit, pagkatapos niya pumunta, nalaman niya na wala pa ding pagbabago. Ang tanging naiisip niya lamang ay si Ling Yiran, at hindi niya ito matanggal sa kanyang isipan. “By the way, narinig ko nga pala na may hindi kayo pagkakaunawaan ni Yi Jinli kanina. Anong nangyari?” tanong ni Ye Chongwei. Napatingin si Gu Lichen sa dati niyang kaibigan ng nakangiti ng bahagya. “Masyado kang madaming alam.” Natigilan si Ye Chongwei, “Talaga ha?” Narinig niya ang balita sa mga sabi sabi lamang, ngunit mukhang tama nga ito.