Kabanata 608

Sa study, nasa computer screen ang litrato nila na nakaakbay si Gu Lichen kay Ling Yiran. Nakatitig ang mga mata ni Yi Jinli sa litrato sa screen. Sa huli, hindi na lang siya nagsalita tungkol dito. Hindi niya tinanong ito kung bakit hindi nito sinabi sa kanya ang tungkol dito nung araw na iyon, kung bakit niyakap siya ni Gu Lichen, at bakit umiyak si Gu Lichen sa harap niya. Natatakot ba siya na baka ang sagot na marinig galing sa kanya ay ang sagot na ayaw niyang marinig? Hindi namamalayan ni Yi Jinli na napangiwi siya sa isipin. Kailan pa siya naging mahiyain? Tulad ngayong araw, nang pumasok siya sa clothing shop at nakita si Gu Lichen na hawak si Yiran. Hindi niya mapigilan ang panginginig ng katawan niya habang pinapakinggan ang sinasabi ni Gu Lichen. Ang pinakahuling gusto niya makita ay ang makilala ni Gu Lichen si Yiran. Sa ilang taong pagkakakilala kay Gu Lichen, alam niya kung gaano ito katiyaga pagdating sa babaeng hinahanap niya. Sobrang tiyaga na halos parang baliw