Kabanata 542

Naalala ni Ling Yiran ang mga balita at kaso ng mga child abduction na nakita niya dati. Biglang mas naguluhan tuloy ang utak niya. Kung nakidnap si Lil Yan, hindi niya mapapatawad ang sarili niya! Pero, habang mas nag-aalala siya, mas nagiging blanko ang utak niya. Gusto niya mahanap kaagad si Lil Yan, pero hindi niya alam kung saan magsisimula. Nang biglang, may humila sa kamay niya at may pamilyar siyang boses na narinig. “Kumalma ka.” Ang dalawang simpleng mga salita na ito ang nagpakalma kay Ling Yiran. “Anong magagawa ko? Wala na si Lil Yan!” Halos mabilaukan siya sa boses niya at basa na ang mga mata niya. “Kasalanan ko ito. Dapat ako nalang ang sumama kay Lil Yan. Kapag sinamahan ko siya, hindi siya mawawala.” “Kasalanan ko ito. Ako ang nagsabi sa staff na samahan siya, pero makakasigurado ka na mahahanap natin siya. Ipapasara ko ang buong building ngayon at hahanapin natin siya maigi.” “Pero… paano kung kinuha na ng human trafficker si Lil Yan paalis at nasa kabilang bu