Kabanata 465

Ngunit, wala ni isang sumagot sa kaniya. Umalis siya at dumiresto sa kanyang kwarto, tapos pumunta siya sa kwarto nito gamit ang pintong naka konekta sa kanilang mga kwarto. Madilim sa kanyang kwarto. Natatakpan ng mga kurtina ang kanyang bintana, at nakapatay ang mga ilaw. Nakakakita lang siya sa maliit na siwang ng liwanag sa may kurtina. Ngunit, hindi nito naapektuhan ang kanyang paningin. Tumingin si Yi Jinli sa paligid ng kwarto at nakita niya sa sulok si Ling Yiran. Nakayuko ito at nakayakap ang mga kamay nito sa kanyang tuhod. Nakadukdok ang ulo niya sa gitna ng kanyang mga tuhod na para bang pinipilit niyang maging hipon. Naalala niya na nakita niya na ito dati sa ganoong position… Bigla siyang nakaramdam ng kirot sa kanyang puso na para bang may tumutusok dito. Naulit na naman sa kanyang isip ang napanood na video kanina. Sa video, sinampal muna siya bago hinatak palabas ng mall. Kahit mahirap pakinggan kung anong sinasabi nila sa video dahil malayo ito, kaya niyang hu