Kabanata 27

Tinignan ni Yi Jinli ng diretso sa mga mata si Ling Yiran at sinabi, "Ate, sa tingin mo ba konti lang talaga ang kinikita ko?" "Ha? Hindi... Hindi sa ganun. Gusto lang naman kasi kitang magkaroon ng mas magandang buhay." Alam niya ang pakiramdam ng sobrang baba kaya hanggat maari, ayaw niyang matulad sakanya si 'Jin'. "Magkakaroon ako ng magandang buhay. Balang araw, kapag tama na ang panahon, ibibigay ko sayo lahat ng gusto mo," Pangako ni Yi Jinli. Oo, noong una parang laro lang ang lahat para kay Yi Jinli, pero ngayon... seryoso siya na gusto niya talagang bigyan ng magandang buhay si Ling Yiran. Natawa nalang si Ling Yiran, kasi para sakanya, isang imposibleng pangako ang binibitawan ni Yi Jinli, pero ayaw niyang masaktan ito, kaya nakangiti siyang sumagot, "Okay, okay.. Hihintayin ko yan Jin ha? Kapag mayaman ka na, hindi na ako magtatrabaho at aasa nalang ako sayo, okay lang?" "Sige ba," Puno ng paninindigang sagot ni Yi Jinli. Sa isip niya, 'Kung gugustuhin niya, kayan