Kabanata 191

'Yun ba yung lalaking mahal niya?' Pero bandang huli, wala rin siyang lakas ng loob na magtanong. Dahil wala naman talaga siyang karapatan sa ngayon pero siguro balang araw kapag mas maayos na ang buhay niya, babalikan niya si Ling Yiran. Hindi na rin nagtagal si Guo Xinli at umalis na rin ito kaagad. Samantalang si Ling Yiran naman ay naglakad papasok sa apartment niya, pero laking gulat niya nang makitang nakabukas ang mga ilaw sa loob. Bago siya umalis, sinugurado niyang napatay niya ang mga ilaw. Hindi kaya... Kinilabutan si Ling Yiran. Hindi na siya nagpatumpik tumpik at binuksan niya kaagad ang pintuan, at ang sumalubong sakanya ay ang maliwanag niyang apartment at si Yi Jinli na naka upo sa sofa. "Ikaw-" Naglakad siya papasok sa apartment niya. "Gabing gabi na, bakit ka ba nandito?" "Ako nga ang dapat nagtatanong niyan sayo, ate. Hindi ka naman daw nag overtime ngayon at hindi ka rin night shift kaya bakit ngayon ka lang umuwi?" Tanong ni Yi Jinli habang tinitignan