Kabanata 180

"Hanggang sa sabihin kong tama na." Sagot ni Yi Jinli. Napakagat nalang ng labi si Ling Yiran at yumuko. Hindi niya alam kung anong gagawin niya kaya ilang segundo rin siyang nakatitig lang sa basong inaabot sakanya ni Yi Jinli. Pero parang nababasa nito ang isip niya. "Natatakot ka ba na baka pagsamantalahan kita kapag lasing ka na? Marami akong paraan para makuha ang gusto ko at hindi ko na kailangang kumilos ng ganun. Higit sa lahat, may gawin man ako sayo o wala, walang magbabalak na pumigil sakin. 'Okay.' Natatawa nalang si Ling Yiran sa mga naisip niya. Kinuha ni Ling Yiran ang basong inaabot nito at nilagok ang laman nito. "Ahhh" Hindi niya gusto ang magkahalong pait at tamis ng wine. Hindi talaga kasi siya manginginom at umiinom lang siya noon ng champagne kapag may mga event sila sa dati niyang trabaho. Lalo na at girlfriend pa siya ni Xiao Zigi kaya wala talagang naglalakas loob na pilitin siya kapag sinabi niyang ayaw niya. Muling nilagyan ni Yi Jinli ng wine