Kabanata 107

Magkahalong awa para kay Ling Yiran at galit para sa sarili niya ang naramdaman ni Yi Jinli habang pinagmamasdan ang nakakaawa lagay ni Ling Yiran. 'Kanina, sobrang saya mong umalis ng bahay kasi excited kang makita ang lola mo, tapos ganito pala ang mangyayari sayo dito....Kung sana sumabay na ako sayo, sigurado hindi mo 'to mararanasan.' Lumapit si Yi Jinli para sana yakapin si Ling Yiran, pero lalo itong nanginig sa takot at hinigpitan ang paghawak nito sa bubog, kaya muli nanamang dumaloy ang sandamakmak na dugo mula sa kamay nito. "Ate, ako 'to. Wag kang matakot. Ligtas ka na ngayon, at wala ng ibang makakalapit sayo." Natatarantang sabi ni Yi Jinli. Base sa pagkatao ni Yi Jinli, hindi siya natatakot sa dugo, kaya nga kahit pa may duguang tao harapan niya noon ay hindi siya natatakot o nandidiri. Pero iba ang sitwasyon ngayon.... Natatakot siya sa dugo ni Ling Yiran... Natatakot siya na baka lalong lumala ang mga injury nito....Natatakot siya na baka maubusan ito ng dugo..