Kabanata 501

Biglang tumahimik ang lahat nang marinig ang mga sinabi ni Shannon. Napatingin sila kay Alice. Matapos ang mahabang sandali, nag bulungan ang lahat ng tahimik. “Matagal nang hindi maganda ang relasyon nila Mrs. Lynch at Luna.” “Pero hindi gagawa ng ganito si Mrs. Lynch na makakasira sa reputasyon ng Group, hindi ba?” “Sino ang makakapagsabi? Baka alam ni Mrs. Lynch na pinapabayaan siya ni Mr. Lynch na gawin ang kahit ano, baka wala siyang pakialam…” Tuloy tuloy lang ang bulungan. Bilang ang taong pinag uusapan, kalmado lang si Alice. Kalmado siyang tumingin kay Shannon. Ang mga mata niya ay napuno ng gulat. “Sigurado ka ba na ang computer fifty-two ang ginamit ko?” Kumunot ang noo ni Shannon at tumango siya. “Sigurado ako. Ako ang naghanda ng computer para sayo noon.” Kumunot ang noo ni Alice. “Sigurado ka ba? Paano naman…” Tumingin ng nalilito si Alice kay Shannon, pagkatapos ay tumingin siya kay Joshua. Pabago bago ang ekspresyon niya, mula sa pagkagulat at naging galit.