Kabanata 448

Kasabay nito, namiss niya sila ng husto, matagal na panahon na ang lumipas mula noong huli niyang nakita ang mga bata. Yun ang dahilan kung bakit naisip niyang dalhin silang lahat sa Blue Bay Villa para magkasama-sama silang lahat. Ngunit parang... Nagtagumpay lang siya na galitin ang mga bata at si Luna. Nagpatuloy sa byahe ang mga sasakyan. Pagkalipas ng ilang sandali, huminto sa tapat ng Blue Bay Villa ang pila ng mga kotse. Noong bumaba si Luna mula sa kotse kung saan nilagay nila Yuri at Zach ang mga bagahe, bumaba na rin si Alice. Mayroong pekeng ngiti sa mukha ni Alice habang nakatayo siya sa labas ng kotse ni Joshua. "Nellie, tara dito, kakargahin ka ni Mommy papasok ng bahay!" Umirap si Nellie, nilampasan niya si Alice, at naglakad siya papunta sa pinto. Samantala, tumakbo si Neil papunta sa mga braso ni Alice ng may ngiti sa kanyang mukha. "Kung ayaw ni Nellie na magpakarga sayo, ako na lang ang kargahin mo! Hindi ako masyadong mabigat, mas mabigat lang ako ng