Kabanata 89

“Nababaliw ka na ba? Paanong magiging pagmamay-ari mo ang buong Mayberry Commercial Street? Bakit ‘di mo na angkinin pati ang langit?” Nakatingin ang mga dalaga kay Gerald na para bang isa siyang baliw. Tumatawa ng malakas si Bale dahil sa mga sinabi ni Gerald. Ang Mayberry Commercial Street? Sinabi ng lalaking ‘yon na pagmamay-ari ito ng kanyang pamilya. Napangiti nalang si Gerald. Sa mga sandaling iyon, tumunog ang kayang cellphone. Isang tawag mula kay Zack. “Mr. Gerald, nakarating ka na ba?” “Oo Zack. Nasa front hall ako,” Sagot ni Gerald. “Ah! Okay, okay. Kasama ko sina Mr. Harrison at Mr. Henderson mula sa Bureau of Education. Pupuntahan ka namin diyan ngayon din! Matagal ka na nilang gustong makita nang malaman nila na mag-iinvest ka sa ilang public welfare projects at mga commercial projects.” “Ah… Okay!” Hindi inaasahan ni Gerald na magpupunta agad ang mga direktor, at binaba na niya ang kanyang cellphone pagkatapos niya magsalita. Sa kabilang dako, nagulat sina Mr