Kabanata 302

Naginit nang husto ang dugo ni Sonia habang sumisigaw ito ng, “Itigil mo na ang pagiging bully mo, Peter Carmine! Hindi mo bakuran ang Sumeria na magbibigay sa iyo ng karapatan na gawin ang lahat ng gusto mo rito.” “Hahaha…” Bilang isa sa pinakamayayamang mga indibidwal sa ikalawang henerasyon ng kabisera, nakatatak kay Peter na mas mataas siya kaysa sa iba kaya wala siyang pakialam sa mga dignitaryo sa Sumeria, maging sa mga Timberland na isa sa tatlong naglalakihang mga pamilya nito. “Ayaw ko nang magaksaya ng oras sa iyo. Hihintayin kita sa Stardust Complex. Kung naiisip mo na kaya mo na akong banggain, gawin mo.” Nagpakita ng bagsik ang kaniyang mukha habang sumisinghal ito kay Sonia. Dito na niya muling sinubukang umalis sa café. Nang biglang magsalita ang kanina pang tahimik na si Andrius, “Ayaw ko rin sana na masayang mo ang oras ko. Ibalik mo sa amin ang Stardust Complex nang bumalik tayo sa negosasyon. Kayang kaya ko na magbulagbulagan dito pero sa sandaling magpumilit k