Kabanata 249

“Sabihan mo siyang pumasok.” Kahit na nagkaroon ng maruming pinagkakaabalahan si Zane, ito pa rin ang nangungunang bituin ng Riverfront Entertainment. Kaya natural lang na makipagkita ito sa bago niyang boss. Ginawa naman ng secretary ang sinabi sa kaniya ni Luna. Hindi nagtagal, nakarating na rin si Zane sa opisina ni Luna. “Maupo ka.” Kahit na nandiri si Luna sa kaniyang mga nakita, nagkunwari pa rin siya na walang alam habang hindi na nagpapaligoy ligoy pa. “Bakit ka naririto, Zane?” “Ganito kasi, Ms. Crestfall.” Nakangiting tumingin si Zane kay Luna habang iniisip nito na walang makakapagpigil sa guwapo niyang itsura. “Gusto sana kitang imbitahan sa isang dinner sa Royal Dragon mamayang alas otso ng gabi para idiscuss ang mga nakita kong issue sa script na ito.” Inaamin ni Luna sa kaniyang sarili na napakaguwapo nga ni Zane at napakasarap din sa tainga ng boses nito. Pero hindi pa rin siya isang uri ng babae na madaling madala. Wala siyang interes dito lalo na noong makita