Kabanata 1045

Naging determinado at hindi makukwestiyon ang mga sinabi ni Wade. Nagalit naman si Hassan sa kaniyang mga narinig. Agad na nanlamig ang kaniyang paningin habang lumalamig ang hangin sa paligid. Kumalat ang malamig na hangin sa buong area na nagparamdam sa lahat ng napipintong delubyo na mananalasa sa kanila. Namaos ang boses ni Hassan na para bang kinakaskas nito ang isang bakal. “Wade, talaga bang babanggain mo ako para sa batang iyon? Alam mo ba na mababalot ng mga bangkay at maglalawa ng dugo sa Medicine Sect sa sandaling magalit ako sa inyo?” Isa itong uri ng pagbabanta pero hindi pa rin nagawang magpatalo ni Wade kay Hassan. Nanlalamig lang itong sumagot ng, “Master Fuller, hindi kailanman yumuko ang Medicine Sect sa anumang puwersa. At wala ring magagawa ang mga pagbabanta niyong iyan sa akin.” “Magaling, Magaling!” Galit na tumawa rito si Hassan habang nagdidilim ang kaniyang mukha. “Noong naglilibot pa ako sa mundo ng sinaunang martial arts, nagawa kong makipagkaibigan sa