Kabanata 365 Sino Ka Para Hawakan Ang Asawa at Anak Ko

Imbis na umalis si Jean, lumapit pa ito sa tabi ng kama ni Madam Gaunt. “Madam Gaunt, masama sa katawan mo ang magalit nang sobra, lalo pa at malala ang sakit mo. Mas mabuti siguro kung masaya ka lang lagi.” Makikita ang kasamaan sa mukha ni Jean. Namumula ang pisngi ni Yannis dahil sa galit, napaubo ito habang hawak ang kanyang dibdib. “Lumayas ka rito! Layas!” Hindi na kinaya ni Verian na makitang inaapi ang kanyang ina ng isang kabit. Lumapit ito hinarangan si Jean. “Umalis ka na bago pa ko magtawag ng security.” Hindi naman nagpatinag si Jean. Pumitik ito at dalawang malalaking body guard ang piumasok sa ward. Bahagyang nagulat si Verian pero suminghal ito at sinabing, “Tinatakot mo ba kami o ki-kidnap-in mo kami?” “Walang lugar dito ang babaeng katulad mo! Umalis ka sa harapan ko!” Tinulak nang malakas ni Jean si Verian. Sa lakas ng pagkakatulak ni Jean ay tumama si Verian sa kalapit na lamesa. “Rainie! Ano bang kailangan mo, Jean?! Ako ang kantiin mo! ‘Wag ang