Kabanata 1021 Nag-aalangang Magpaalam

Halata namang hindi nila gusto ang girlfriend ni Shawn. Ganoon pa man, kahit anong mangyari, magandang bagay pa rin na nailigtas si Sharon. Dahil dito, wala nang intensyon sila Gideon at ang iba pa na manatili. Matapos nilang magpasalamat kay Uncle Alfuth, umalis na sila kasama ang Arcane Jade. Matagal bago natapos ang gulong ito kaya lagpas na ng hatinggabi nang makabalik ang grupo sa Griffins. Noong una, hindi naman talaga pupunta si Vickie at Gregory as Griffins, pero dahil naririto na rin sila sa bansa, nakakabastos naman na hindi nila batiin ang Old Madam Griffin sa kanyang kaarawan. Kahit anong mangyari, kailangan nilang pumunta at batiin ang matanda. Iyan ang dahilan kung bakit sumama na rin sila papunta sa Griffins. Sa puntong ito, hindi pa rin natutulog ang Old Madam Griffin. Kung ibang araw ito, matagal na siyang nahimbing. Subalit, masyadong maraming bisita ngayong araw. Kahit inaasikaso naman ni Justin ang ibang mga bisita, may mga kailangan pa rin siyang personal