Kabanata 1004 Paghihiganti

Simple lamang ang disenyo ng kahon at hindi ito mukhang mamahalin. Magaspang ang balat nito, hindi gaya ng rosewood o kaya sandalwood. Subalit, nagulantang at nasindak ng boses mula sa kahon ang lahat. Tila ba napatayo ang kanilang mga balahibo. Nakasimangot ulit si Jeff. Matalino man siya at kampante, may limitasyon pa rin si Jeff dahil sa kanyang kinalakihan. Sanay siyang paglaruan ang mga damdamin ng tao, pero hindi niya forte ang teknolohiya ng modernong panahon. Basics lamang ang alam niya rito. Masasabing kahit may ideya si Jeff sa teknolohiya natin, hindi niya namamalayang tinatanggihan niya pa rin ang mga bagay na hindi siya pamilyar. Dagdag pa roon, matagal siyang namuhay nang mag-isa sa isang isla. Hindi alam ng panlabas na mundo ang kanyang pagkatao, lalo naman ang magkaroon ng tsansa na labanan siya gamit ang teknolohiya. Nagulantang si Jeff dahil hindi niya inaakalang mangyayari ito. Nagpatuloy si Gregory sa pagsasalita. “Dahil hindi interesado si Mr. Jeff Flinder