Kabanata 53

Tumango nang paulit-ulit sila Sean at Lily. Lumapit si Carlisle at bumulong, “Sa totoo lang, isang manghuhula ang lolo ko. Marami na akong nalaman tungkol doon simula nung bata pa ako kaya natutunan ko ang ilang physiognomy. Nang makita ko ang madilim na noo ni Lily, nahulaan ko na agad na may mangyayaring masama sa kaniya!” Alam niya na tatanungin siya ni Sean tungkol doon kaya nakaisip na siya agad ng perpektong sagot. Lumaki si Sean sa malaking city kaya nagtataka siya sa mga sinabi ni Carlisle. Tumingin siya kay Lily at tinanong, “Naniniwala ka ba sa kaniya?” Tumango si Lily. “Oo naman. Sobrang kilala ang mga manghuhula sa lugar namin!” Kinuha ni Sean ang beer niya at uminom. Nakangiti niyang sinabi, “Edi, pwede mo ba hulaan kung may mahahanap akong girlfriend sa university?” Tiningnan ni Carlisle ang mukha ni Sean, hinawakan niya ang palad ni Sean at maiging tiningnan iyon. Matapos ang ilang sandali, pinikit niya ang mata niya at nagsimulang bilangin ang buto niya sa dal