Kabanata 30

Isang malaki at kakaibang espada ang lumabas. "Heav—Heavenly Sword…" Nanghina ang hita ni Sean habang nakahawak ang dalawa niyang kamay sa upuan. Lumaki ang mata niya sa sobrang gulat. Nanginginig ang katawan ni Carlisle dahil sa tuwa. Sobrang excited niya at nakalimutan na niyang i-retrieve ang equipment. “Damn. Yan ba yung Heavenly Sword?” Ang may-ari ng internet cafe na kararating lang mula sa baba ay nalaglagan ng sigarilyo sa kaniyang dibdib mula sa bibig niya. Kahit marami na siyang nagastos sa laro, naririnig lang niya ang mga usapan tungkol sa Heavenly Sword at hindi pa niya yun personal na nakikita. Malalim na huminga ang tatlo. Lumaki ang kanilang mga mata sa saya. “Bilis—Bilisin mo at kunin mo na, tapos log off!” Unang nag-react ang may-ari ng internet cafe. Nanginginig ang boses niya habang nagsasalita dahil sa saya. Umalis si Carlisle sa pwesto niya at mabilis na ginamit ang Heavenly Sword. Ginamit niya na ang Town Portal Scroll at nag log off sa game.