Kabanata 127

Nagsimula ng magmaneho si Francis papunta sa Rhonwen Road. Sumandal si Carlisle at pinagkrus ang mga hita, magaan niyang tinapik ang isang daliri sa bintana. Ang dating niya ay parang isang taong nasa posisyon at may kapangyarihan. Umupo nang diretso si Sunny, halatang kinakabahan. Mas bata si Carlisle sa kaniya, pero mayaman ito. Ito ang unang pagkakataon ni Sunny na makipag-usap sa isang kasing yaman ni Carlisle simula nang magsimula siya sa trabahong ito. Hindi sila nagsasalitang tatlo. Medyo nakakabingi na ang katahimikan. Si Carlisle ang unang bumasag nito. Nagtanong siya, “Gaano ka na katagal sa trabahong ‘to?” Mabilis na sumagot si Sunny, “Dalawang taon at anim na buwan kung isasama mo ang internship ko!” Tumango si Carlisle at ngumiti. “Interesado ka bang magtrabaho sa akin?” Nanlaki ang mga mata ni Sunny. Napakamot siya ng ulo. “Baka hindi ako magaling. Wala akong best results na maipapakita kahit matagal na ako sa Premier Properties.” Tumawa si Carlisle. “May lakas ng l