Kabanata 124

“Wala, para sa akin lang ay dapat sa pag-aaral mo ituon ang atensyon mo dahil bata ka pa. Hindi ka naman mahuhuli kung makikipag-date ka lang kapag graduate ka na!” Seryosong payo ni Gordon. Nararamdaman ni Carlisle na mayroong tinatago sa kaniya ang ama. Mabilis niyang nahulaan na iniipit ni Zachary ang mga magulang niya. Bumuntong-hininga si Gordon at nagpatuloy, “At saka, nalaman kong galing sa mayamang pamilya ang babaeng yun. Hindi natin sila kapantay, kaya makipaghiwalay ka dapat sa kaniya. Huwag mong guluhin ang pag-aaral niya!” “Sige po. Alam ko ang gagawin ko.” Humigpit ang hawak ni Carlisle sa kutsara niya. Gusto niya lang naman magkaroon ng simpleng relasyon sa babaeng mahal niya. Napaisip siya kung bakit kailangan pang maging mahirap ang lahat. Bumuntong-hininga ulit si Gordon bago ibaba ang tawag. Nawalan ng gana si Carlisle. Ilang subo lang ng pagkain ang nakain niya bago niya tawagan si Sunny. “Good afternoon, Mr. Cig. Nasa kalagitnaan pa ako ng meeting!” Bulong ni