Kabanata 117

Narinig niya na parang may nag-aaway at nagliliparang gamit mula sa kabilang linya. Sabi ni Carlisle, “Wanda, Lily, may kailangan lang akong puntahan. Dito lang kayo at huwag kayong aalis!” Binaba niya ang tawag at lumabas. Dalawang grupo ng mga tao ang nagkakagulo sa second-floor corridor. Winawasiwas ni Heath ang isang paa ng upuan na parang isa itong espada. Malakas at matalim ang kaniyang bawat galaw. Samantala, si Benjamin na mukhang matino at mabait na tao ay magaling din pala sa pakikipaglaban. May hawak siyang lalaki sa leeg at tinuhod niya ang tiyan nito. Umikot ang mata ng lalaki. Mas bata sina Sean at Owen, kaya mas marami silang natatanggap na suntok kaysa sa nabibigay nila. “Tama na! Tigil!” Ginagawa ni Francis ang lahat para pigilan ang gulo. Habang nagsasalita, hinawakan niya ang isang lalaking malaki ang katawan para hindi na ito makagalaw. Samantala, lumapit naman si Hank sa lalaki at hinampas ang ulo nito ng bote ng beer. Pagkabasag nito ay tumulo agad ang dugo