Kabanata 115

Umatras ako para tignan nang maayos si Zane. Kampante siyang tumayo habang hinayaan akong tignan siya. “Kumusta?” Sa kagwapuhan niya, mas lalo siyang nagmukhang malamig at hindi malalapitan sa itim na suit. Nagdagdag ng misteryosong ere ang kulay navy na kurbata. Tinaas ko ang hinlalaki ko sa kanya. “Bagay sa'yo!” Halata ring kuntento siya sa kurbata. “May meeting akong dapat puntahan ngayon. Siguro ito na lang rin ang gagamitin ko dahil sa tingin mo ay bagay to sa'kin.” Sumang-ayon ako, “Sige.” Malapit na siya sa pinto nang huminto siya. Lumingon siya pabalik at tumingin sa'kin. “Dadaan mamaya si Eric para ipakilala ka sa bago mong editor.” Kahapon lang nang nabanggit niyang malapit na siyang matapos sa pagkuha ng tao, pero ngayong araw, mayroon nang taong nakahanda para sa'kin. Nagulat ako sa bilis nila. Kahit na ganun, tumango ako. “Parang maganda yan.” Pagkaalis niya, nagpunta ako sa mesa ko at bumalik sa pagguhit ng mga sketch ko. … Sa conference room, hinarap ni Za