Kabanata 86

“Oo, binalita na rin sakin ni Mu Ling,” ang sabi ni Lu Shijin. Tila hindi siya nagulat sa balita habang nagpatuloy siya na balatan ang mga sugpo para kay Tang Ruochu. Gulat na tumingin sa kanya si Tang Ruochu at tinanong, “Alam mo na agad ang tungkol dito?” “Palihim na ginawa ng Ji Group ang deal, pero hindi mahirap para sakin na malaman ang tungkol dito. Hindi ko agad sinabi sayo dahil alam ko na ikaw na ang bahala sa kanila,” ang sabi niya habang nilapag niya ang unang sugpo sa mangkok ni Tang Ruochu at nagsimula nang balatan ang sunod. Sinubuan siya ni Tang Ruochu ng isang piraso habang sinabing, “Totoo yun. Sinubukan akong ilagay ni Gu Ruoruo sa masamang posisyon kanina, pero nasira ko ang plano niya.” Lumamig ang mga mata ni Lu Shijin ng ilang saglit nang sinabi niyang, “Sigurado ako na ikaw ang unang pupuntiryahin ng pamilya Ji matapos nilang makapasok sa Times Entertainment.” Nagkibit balikat si Tang Ruochu at sinabing, “‘Wag kang mag alala. Hindi ako takot sa kanila. Subu