Kabanata 70

“Ah, malamang si Ji Yinfeng ang dahilan. Masasabi ko sayo, nagrereport ako mag isa noong araw na ‘yon nang makita ko siya na kumakain kasama si Ji Yinfeng. May litrato ako ng ebidensya.” Ngumiti si Song Anyi habang inabot niya ang kamera. Tumingin si Tang Ruochu sa litrato at nakita niya ang dalawa na kumakain sa Sea Galaxy. “Uy, nakita mo, hindi ba’t magagalit si Gu Ruoruo pag nalaman niya ang tungkol dito?” Ngumiti ng masama si Song Anyi habang iniisip ang masama at balisang ekspresyon ni Gu Ruoruo. Sa mundong ito, si Gu Ruoruo ang pinaka kinamumuhian niya. Kaya’t labis niyang kinagagalak na makita ang pagbagsak niya. Hindi kasing sabik ni Song Anyi si Tang Ruochu. Inisip niya ang tungkol dito bago niya iniling ang kanyang ulo. “Hindi maganda ang pagkatao ni Ning Qiaoqiao, ni hindi rin mabait si Ji Yinfeng. Kapag ipinagpatuloy ng dalawa ang pagkikita nila, siguradong makakatagpo sila ng gulo, dahil hindi ito matitiis ni Gu Ruoruo.” “Mas maganda nga yan. Kapag nag away silang t