Kabanata 61

Para matapos niya ang kanyang proyekto, patuloy si Tang Ruochu na maagang umaalis ng bahay at late na umuuwi. Tuwing nakakauwi siya ng bahay, parati siyang sobrang pagod. Nang makita ni Lu Shengyao ang sitwasyon, tumingin siya ng masama kay Lu Shijin. “Kuya, sobra na sa pagtatrabaho si hipag. Paano mo natitiis na hayaan lang siya? Tsk, tsk. Tignan mo kung gaano kapagod ang ating dilag? Masyado kang malupit.” “Ayaw ng hipag mo na makialam ako sa mga gawain niya.” Tila mahinahon si Lu Shijin pero palihim siyang nag aalala tuwing nakikita niya ang pagod na itsura ni Tang Ruochu. “At nakikinig ka sa lahat ng sinasabi niya! Hindi ko maintindihan kung bakit ang pera at kapangyarihan mo ay parang dekorasyon lang para kay hipag habang ang gusto ng ibang mga babae ay gamitin ang kapangyarihan at pera mo para sa kasikatan.” Tinikom ni Lu Shengyao ang kanyang mga labi para ipakita ang kanyang pagkalito. Gayunpaman, humahanga siya sa pag-uugali ni Tang Ruochu. Ang babae na hindi umaasa sa i