Kabanata 30

“Hindi naman sa totoo ‘yon. Di mo pa ba kilala ang pagkatao ni Gu Ruoruo? Talamak namang nakakayamot ang bruhang yun, sino ang makakapag sabing wala siyang pinaplano para sayo? Para sa taong tulad niya, dapat kang mag ingat sa mga kinikilos niya. Sa ngayon, malaki ang binagsak niya. Siguradong hindi niya basta bibitawan to.” Tungkol pa kay Gu Ruoruo, bagama’t may panunuya at pagdududa si Song Anyi sa kanya, lagi na siyang maingat sa kanya. Bilang kaibigan ni Tang Ruochu ng maraming taon na, nakita na niya kung paano trinato ni Gu Ruoruo si Tang Ruochu gamit ang kanyang mga pakana, kaya’t nag aalala si Song Anyi sa kanyang kaibigan. “Tama ka. Nasira sa insidenteng ito ang imahe ni Gu Ruoruo at ang landas niya sa industriya ng entertainment. Nangangamba ako na isinusumpa na niya ako at siguradong hahanap siya ng paraan para balikan ako.” Lubos na sumasang-ayon si Tang Ruochu sa pananaw ni Song Anyi. Tumira siya sa iisang bubong kasama si Gu Ruoruo ng higit sa 10 taon. Mas kilala niy