Kabanata 255

Kapag nagluto ang isang lalaki para sayo, ibig sabihin nito ay mahal ka niya talaga. Nakatayo si Tang Ruochu sa hapag kainan habang nakatitig siya sa matangkad na lalaking nagluluto sa kusina. Ang magandang mga mata ng lalaki ay puno ng giliw at pagmamahal. Pinanood siya ni Tang Ruochu habang gumamit siya ng sandok para tikman ang sabaw at pagkatapos ay hinulog ang mga gulay sa loob ng kaldero. Ang mga kilos niya ay malinis at mabilis. Ang isang ordinaryong kilos na ito ay kaakit akit sa mga mata ni Tang Ruochu. Hindi niya magawang tumingin palayo. Tila napansin ito ni Lu Shijin, bigla siyang lumingon. Nabigla si Tang Ruochu at hindi niya nagawa na matago sa kanyang mga mata ang paghanga kay Lu Shijin. Pareho silang tahimik na tumingin sa isa’t isa. Matapos ang ilang saglit, may isang maliit na ngiti na lumabas sa mga labi ni Lu Shijin. May bahid ng liwanag sa kanyang madilim na mga mata. “Kung nagugutom ka na, may gatas sa ref. Pwede mo munang pagaanin ang gutom mo.” “Sige.” mas