Kabanata 202

Samantala, sa bahay ng pamilya Ji... Pagod na pagod ang tatlo dahil sa krisis na hinaharap ng Ji Group nitong mga nakalipas na dalawang buwan. Ngayong araw, nakaiwas sila sa muntik nilang pagkalugi at nakahinga na rin sila ng maluwag. Sa sala ng pamilya Ji, ang tatlong miyembro ng kanilang pamilya, kasama na rin si Gu Ruoruo at ang kanyang nanay, ay nakaupo sa sofa. Nakarelaks sila at mukhang maginhawa. “Yinfeng, sa mga susunod na araw, babalik na ang pinsan mo. ‘Wag mong kalimutan na sunduin siya mula sa airport at dalhin siya sa bahay para mag hapunan. Kung hindi dahil sa kanya, baka hindi nalampasan ng pamilya natin ang problemang ito.” Tumingin si Qin Silian kay Ji Yinfeng, na siyang nakaupo sa tabi niya. Ang mukha ni Qin Silian ay makulay at may bahid ng kaligayahan. Ang tindig niya ay pang mayaman, na meron siya noon, ay nagbalik na. Sa nakalipas na dalawang buwan, nahirapan din si Qin Silian. Noon, kahit saan man siya magpunta, pinupuri at hinahangaan siya ng mga tao. Gay