Kabanata 268

Sabay sabay na pinakawalan ng tatlo ang kanilang mga lakas. Dito na sumigaw si Constantine ng, “Isang karangalan na makasama kayong dalawa sa pakikipaglaban! Mauuna na ako sa inyo!” Pagkatapos, lumipad siya nang mataas sa ere habang itinataas niya ang kaniyang mga braso. Isang nagliliyab na holy flame ang lumipad papunta sa direksyon ni Suelyn na naglaman ng napakatinding puwersa. Kasabay nito ang pagsigaw ni Eileen habang hawak ang kaniyang espada, yumuko ito bago siya sumugod papunta kay Suelyn. Ito ang special move ni Eileen na nakilala sa tawag na Armor of Blades. Hinawakan ni Wilbur ang kaniyang thunder cleaver para maghandang sumali sa laban nang biglang magvibrate ang Sea of Blood bago ito maglabas ng nasa limampung mga halimaw para sumugod sa kaniyang direksyon. Parang mga lobo ang mga halimaw na iyon pero naging kasing laki ng baka ang mga ito. Gawa sa dugo at laman ang katawan ng mga halimaw na umangil sa tatlo. Sumugod ang mga Blood Wolves papunta sa likuran ng t